ជំនឿ៖ សែនជ្រូកខ្វៃរួច កុំភ្លេចកាត់ផ្នែកទាំង ៥នេះទុក ព្រោះអាចនាំលាភដល់អ្នក
- Mr.Sokhim
- Jan 28, 2020
- 1 min read
ជនចិន ឬខ្មែរកាត់ចិនមួយចំនួន តែងកាត់យកផ្នែកសំខាន់ៗនៃជ្រូកខ្វៃ ទៅឆ្អើរភ្លើងឲ្យក្រៀម ទុកគ្រាន់ដាក់នៅកន្លែងរកស៊ី។
ខួរជ្រូក
ខួរគឺតំណាងឲ្យប្រាជ្ញា ស្មារតី និងភាពឈ្លាសវៃ ដែលអាចឲ្យអ្នកជួញដូរមានគំនិតថ្មីៗក្នុងការរកស៊ីឈ្នះគេជាដើម។
ជនចិន ឬខ្មែរកាត់ចិនមួយចំនួន តែងកាត់យកផ្នែកសំខាន់ៗនៃជ្រូកខ្វៃ ទៅឆ្អើរភ្លើងឲ្យក្រៀម ទុកគ្រាន់ដាក់នៅកន្លែងរកស៊ី។
ខួរជ្រូក
ខួរគឺតំណាងឲ្យប្រាជ្ញា ស្មារតី និងភាពឈ្លាសវៃ ដែលអាចឲ្យអ្នកជួញដូរមានគំនិតថ្មីៗក្នុងការរកស៊ីឈ្នះគេជាដើម។
ត្រចៀកជ្រូក
ត្រចៀកជ្រូកទាំងពីរ គឺជាផ្នែកមួយសំខាន់ផងដែរ ព្រោះគេជឿថាត្រចៀកគឺជាសរីរាង្គមួយដែលអាចឮដំណឹងផ្សេងៗជិតឬឆ្ងាយ ហើយបើអ្នករកស៊ីវិញ គឺគេចាំស្ដាប់ដំណឹងដែលភ្ញៀវមករកទិញជាដើម។
ច្រមុះជ្រូក
ជាធម្មតាសត្វជ្រូកតែងប្រើច្រមុះរបស់វា សម្រាប់ហិតក្លិន និងដើម្បីឈ្មុសឈ្មុលរកចំណីស៊ី ប្រៀបដូចជាអ្នកជួញដូរដែលត្រូវខិតខំស្វះស្វែងរកអតិថិជនរបស់ខ្លួនដូច្នោះដែរ។
ក្រចកជើងទាំងបួន
ក្រចកជើងទាំងបួនរបស់ជ្រូក ត្រូវគេជឿថាអាចនាំឲ្យមុខរបររកស៊ីដើរឆ្ពោះទៅមុខ ព្រោះជ្រូកអាចដើរទៅមុខបានក៏ដោយសារតែជើងទាំងនេះដែរ។ ម្យ៉ាងពេលដែលជ្រូកខ្វៃដេក គឺជើងខាងមុខរបស់វាបត់ចូល ប្រៀបដូចជាកាយនាំទ្រព្យដល់ម្ចាស់ផ្ទះអ៊ីចឹងដែរ។
កន្ទុយជ្រូក
សត្វជ្រូកប្រើកន្ទុយរបស់វាសម្រាប់បក់ដេញរុយ ឬសត្វល្អិតជាដើម។ ដូច្នេះ អ្នករកស៊ីទុកកន្ទុយជ្រូកសម្រាប់ឲ្យវាដេញឧបសគ្គ និងឧបទ្រពចង្រៃនានាចេញពីហាងលក់ដូររបស់ពួកគាត់។
ភាគច្រើនម្ចាស់ផ្ទះតែងតែរក្សាទុកផ្នែកក្បាល និងជើងនៃជ្រូកខ្វៃ សម្រាប់ចែកឲ្យបងប្អូនកូនចៅរបស់ខ្លួនតែប៉ុណ្ណោះ។ ហើយចំណែកសាច់វិញ ទើបចែកឲ្យមិត្តភ័ក្ដិ និងភ្ញៀវដែលមកចូលរួមពិសាអាហារជាមួយគ្នា៕
អត្ថបទ៖ សេង សុខឃីម
Comments